ASTANADA XV RESPÝBLIKALYQ QURAN JARYSYNA IRIKTEÝ BASTALDY

Búgin Astana qalasyndaǵy «Áziret Sultan» meshitinde Qazaqstan musylmandary dinı basqarmasy Astana qalasy ókildiginiń uıymdastyrýymen XV Respýblıkalyq Quran Kárimdi jatqa jáne mánerlep oqý jarysyna qatysýshylardy irikteý saıysy bastaldy.

Rýhanı dodaǵa elorda meshitteri men dinı oqý oryndarynan 70-ke jýyq qarı qatysýda. Saıys bastalar aldynda ádilqazylar alqasynyń tóraǵasy Serik qarı Ahmet qatysýshylarǵa jarys erejesi men baǵalaý tártibin túsindirdi.

Irikteý saıysyn Astana qalasynyń bas ımamy Nurbek qajy Áýeshanuly ashyp, qarılarǵa sáttilik tiledi. Bas ımam óz sózinde Quran Kárimniń adam júregine tynyshtyq syılaıtyn qasıetine toqtalyp, Qurandy jattap, ony ómirlik ustanymyna aınaldyrǵan qarılardyń qoǵamdaǵy orny erekshe ekenin atap ótti.

«Búgingi irikteý saıysynda Astana qalasynyń namysyn qorǵaıtyn eń úzdik qarılar anyqtalady dep senemiz. Degenmen bul dodada jeńilgen adam bolmaıdy. Sebebi Allanyń kálámin oqýdyń árbir árpi – saýap pen berekege toly. Quranǵa qyzmet etý – úlken mártebe ári jaýapkershilik», – dedi Nurbek qajy Áýeshanuly.

Bas ımam sondaı-aq Qurandy sheber oqıtyn qarılardyń dárejesi týraly Paıǵambarymyzdyń (oǵan Allanyń salaýaty men sálemi bolsyn) hadısin keltirip, barlyq qatysýshylarǵa sáttilik tiledi.

Aıta keteıik, bir kúnge josparlanǵan irikteý saıysynda qarılar Quran Kárimniń 10, 20 jáne 30 para jáne mánerlep oqý atalymdary boıynsha baq synaıdy. Jarys qorytyndysy boıynsha jeńimpazdar arnaıy dıplomdarmen jáne qarjylaı syılyqtarmen marapattalyp, respýblıkalyq kezeńde Astana qalasynyń namysyn qorǵaıdy.

Sýretter tolyq «FOTOGALEREIa» aıdarynda!

Источник: Aisha