ASTANADA «JAS MAMAN, AÝYLǴA QADAM BAS, MAMAN!» ShARASY ÓTTI

Búgin Astana qalasynda Qazaqstan musylmandary dinı basqarmasynyń uıymdastyrýymen «Jas maman, aýylǵa qadam bas, maman!» atty shara ótti.

Jıynǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly, QMDB ortalyq apparatynyń qyzmetkerleri, 2025–2026 oqý jylynyń dinı oqý oryndaryn támamdap, dinı qyzmetke bólingen túlekteri qatysty. Sondaı-aq, oblys Bas ımamdary men QMDB baǵyttaryna jaýapty mamandar sharaǵa onlaın formatta qosyldy.

Qatysýshylarǵa QMDB qyzmetiniń negizgi baǵyttary týraly beınerolık kórsetildi.

Bas múftı Naýryzbaı qajy Taǵanuly óz baıandamasynda jas mamandardyń dinı qyzmettegi jaýapkershiligine toqtalyp, alǵan bilimderin halyqqa qyzmet etý jolynda tıimdi paıdalanýdyń mańyzyn atap ótti.

Shara barysynda dinı qyzmetke taǵaıyndalǵan jas mamandarǵa qyzmettik joldamalar tabystaldy. Bas múftı túlekterge qyzmetterine sáttilik tilep, aýyldyq jerlerdegi dinı-aǵartýshylyq jumystardy jandandyrýǵa, jamaǵatpen tyǵyz baılanys ornatýǵa jáne el birligi men rýhanı qundylyqtardy nyǵaıtýǵa úles qosýǵa shaqyrdy.

Shara sońynda Bas múftı jas mamandarǵa bata berip, qatysýshylar estelik sýretke tústi.




















​