Astanadaǵy «Aqmeshitke» jańa naıb ımam taǵaıyndaldy (FOTO)

11 qańtar 2019 2484 0
Оqý rejımi

Búgin, qasıetti juma kúni Astana qalasyndaǵy «Aqmeshit» meshiti jańa qyzmetkermen tolyqty. Jyl sońynda jamaǵatqa esigin aıqara ashqan Elordamyzdaǵy onynshy qulshylyq ordasynyń naıb ımamy qyzmetine Abdıralıev Farkat Isauly taǵaıyndalyp, meshit jamaǵatyna tanystyryldy.

Jumaǵa jıylǵan jamaǵatqa QMDB tóraǵasy, Bas múftı Serikbaı qajy Oraz buıryǵyn oqyp berip, jańa qyzmetkerdi tanystyryp ótken respýblıkalyq «Áziret Sultan» meshitiniń naıb ımamy Ǵazız Ahmet izgi tilegin jetkizip, jumysyna tabys tiledi. Ashylǵanyna eki aptadan endi assa da ishi jamaǵatqa lyq tolǵan jańa meshit minberine kóterilip, tatýlyq pen birlik jaıyndaǵy juma ýaǵyzyn júrgizdi.

Abdıralıev Farkat Isauly 2006-2007 j.j Túrkistan qalasy, «Qoja Ahmet Iassaýı» medresesinde daıyndyq kýrs oqyǵan. 2007-2010 jyldary Shymkent medresesin «Islamtaný» mamandyǵy boıynsha úzdik támamdaǵan. 2010-2013 jyldary «Nur Múbarak» Mysyr Qazaqstan Islam mádenıeti ýnıversıtetinde «Islamtaný» mamandyǵy boıynsha joǵarǵy bilim aldy.

2010 jyly Túrkistan qalasyndaǵy «Úsh Arys» meshitinde naıb ımam qyzmetin atqarǵan. 2013 jyldan bastap osy ýaqytqa deıin Respýblıkalyq «Áziret Sultan» meshitinde ustazdyq qyzmet atqaryp kelgen.

Pіkіrler Kіrý