«ATALAR MEKTEBI»: «ÁZIRET SULTAN» MEShITINIŃ AQSAQAL ShÁKIRTTERI DASTARHANDA BAS QOSTY (FOTO)
«Áziret Sultan» meshitinde Quran úırenip júrgen jasy úlken shákirtter – «Atalar mektebi» klýbynyń músheleri dastarhanda bas qosyp, erkin áńgime-dúken qurdy.
Jyly júzdesýge meshit ustazy Ersaıyn Qabylqanuly qatysyp, qala Bas ımamy Erbolat Nuryldaulynyń sálemin jetkizdi. Ol qarııa shákirtterdiń Quran úırenýdegi tabandylyǵyna rızashylyǵyn bildirip, bul izgi amaldyń úlken saýap ekenin aıtty.
Ustaz óz sózinde ilim joly úzdiksiz bolý kerektigin, Quranǵa degen súıispenshilikti ómir boıy saqtap, ony amalmen bekite bilýdiń mańyzyn atap ótti. Iá, aqsaqaldarymyzdan úlgi alýymyz kerek-aq.
Quran – musylman ómiriniń shamshyraǵy, adamdy týra jolǵa bastaıtyn eń uly nusqaýshy. Ony oqý – júrekti tazartyp, jan dúnıeni baıytady. Sol sebepti, Quranmen baılanysyn úzbegen árbir musylman rýhanı turǵydan ósip, ómirine bereke men tynyshtyq tabady.
Источник: Aidos
