Aýyl jastary meshit ımamyna arnap úı salýǵa kiristi
Qyzylorda oblysy Aral aýdanyna qarasty Amanótkel aýylynyń ımandylyqty nasıhattap júrgen aýyl jastary búginde aýyl meshitiniń ımamyna jańa turǵyn úı salyp jatyr, jaqyn arada paıdalanýǵa beriledi, dep jazady kyzylorda-news.kz.
Aýyl jastary bıylǵy oraza aıynda kóptegen qaıyrymdylyq sharalarynyń basynan tabylyp júr. Buǵan deıin 26 otbasyǵa 450 000 teńge kóleminde azyq-túlekten kómek kórsetken bolatyn.
«Bárimizdiń úmitimiz jastarda. Jastaıynan jaǵymdy iske áýes bolǵan bala eseıip, erjetkende eldiń perzenti bolaryna senemiz. Aýyl úshin aıanbaı júrgen jastardyń qaıyrymdylyǵyn kórgende kóńilimiz kókke jetedi. Alǵys aıtyp, bata bergennen basqa aıtarymyz joq», – deıdi aýyl turǵyny A.Kıikbaeva.
