ÁIEL-QYZDAR SEKTORY: BÚLDIRShINDER ARASYNDA DUǴA-BATA JARYSY ÓTTI (FOTO)
Astanadaǵy «Rahymqyzy Raısa ana» meshitinde 5 pen 10 jas aralyǵyndaǵy balalar arasynda «Duǵam qabyl bolsyn» atty duǵa-bata jarysy ótti.
Is-sharanyń maqsaty – búldirshinderdi ımandylyq pen izgilikke baýlý, ata-baba dástúrin qurmetteýge tárbıeleý jáne olardyń jattaý men kórkem sóıleý qabiletin damytý boldy. Jıynǵa Astana qalasy Áıel-qyzdar sektorynyń jetekshisi Kúlsara Mamyrqyzy, meshittiń áıel ustazdary jáne ata-analar qatysty.
Jarysqa qatysqan balalar ózderi jattaǵan duǵalar men batalaryn mánerlep oryndap, kórermenderdiń yqylasyna bólendi. Baǵdarlama sońynda barlyq qatysýshylarǵa syılyqtar tabystalyp, ustazdar men jamaǵat balalarǵa izgi tilekterin arnady. Ata-analar osyndaı tárbıelik máni zor is-sharanyń uıymdastyrylǵanyna rızashylyqtaryn bildirdi.
