Áıel jamaǵatyna «Berekeli juma» dastarhany jaıyldy (FOTO)
Búgin respýblıkalyq «Áziret Sultan» meshitinde áıel jamaǵatyna ýaǵyz sabaǵy uıymdastyrylyp, sońynan «Berekeli juma» dastarhany jaıyldy. Bas shahardaǵy «Aqmeshit» meshitiniń ustazy Kajýeva Juldyz «Dinaralyq dostyqtyń róli» taqyrybynda áıel jamaǵatyna nasıhat júrgizdi.
Ýaǵyz sońynda jamaǵat tarapynan suraqtarǵa kezek berilip, bilikti mamannyń tushymdy jaýaptaryna jalǵasty.
Aıta keteıik, jamaǵat arasynda baýyrmashyldyqty arttyryp, yntymaǵyn nyǵaıta túsý maqsatynda «Inabat» qyz-kelinshekter klýbynyń uıymdastyrýymen aıyna bir márte «Berekeli juma dastarhany» jaıylyp turady.
