Aıt merekesinde «Balalar úıine» syılyq jasaldy (FOTO)

12 tamyz 2019 5458 0
Оqý rejımi

Qasıetti Qurban aıt – ısi musylman qaýymyn qaıyrymdylyqpen qanattandyryp, izgi amal-áreketterdiń qataryn arttyra túsetin ulyq mereke. Aıt kúnderi halqymyzdyń qonaqjaı dástúri keńinen dáriptelip, ókpe-renishti ótkenge qaldyryp, aǵaıyn arasyndaǵy baýyrmaldyq barynsha nyǵaıa túsedi. Rabbysynyń razylyǵyn kózdegen ısi musylman bul kúnderdi saýapqa toly ótkizýge asyǵatyny aıtpasa da belgili.

Osy oraıda QMDB Nur-Sultan qalasy ókildiginiń bastamasymen meshitterde túrli qaıyrymdylyq sharalary uıymdastyrylyp, mereke meıirin sezindirý maqsatynda túrli áleýmettik mekemelerge meshit qyzmetkerler arnaıy zııarat etip qaıtty. Osyndaı ıgi sharalardyń biri búgin Nur-Sultan qalasy ákimdiginiń «Balalar úıi» kommýnaldyq mekemesinde oryn aldy.

Nur-Sultan qalasyndaǵy «Yryskeldi qajy» meshiti atalmysh ortalyqta «Aıaly alaqan» atty mádenı shara uıymdastyryp, búldirshinderdi Qurban aıt merekesimen quttyqtap qaıtty. Meshit ustazy Estaı Abdyǵalı bastaǵan top búldirshinderge jemis-jıdek pen túrli táttiler toltyrylǵan sebetter tartý etip, syılyqtar úlestirdi. Qurban aıt merekesimen quttyqtap, izgi tilekterin bildirdi.

 

Pіkіrler Kіrý