Aıt namazy Astana qalasy boıynsha 15-maýsymda oqylady

Astana qalasy boıynsha bıyl Oraza aıt namazy 15-maýsym kúni tańǵy saǵat 7:00-de oqylady.

Aıt namazy kúnniń uıasynan tolyq shyǵyp naıza boıy kóterilgennen bastap besin namazyna deıingi aralyqta oqylady. Jergilikti halyqtyń yńǵaıyna qaraı namazdyń ýaqytyn sol jerdiń ımamy naqtylaıdy. Aıt namazynyń oqylýyn myna siltemeden kóre alasyzdar!

Aıttyń myna ádepterine kóńil aýdarý kerek:

• Ǵusyl alý;
• Taza kıim kııý;
• Hosh ıis sebiný;
• Namazdan aldyn taq sandy bir nemese úsh... qurma jeý;
• Namazǵa tákbir aıtyp barý. Erkek adam daýystap, áıel adam ishteı aıtady; (Tákbir túrleri: Allahý ákbar, Allahý ákbar!
• Namazǵa jaıaý barý;
• Bir jolmen baryp, basqa jolmen qaıtý.

Bul aıtylǵandar – aıttyń ádepterinen. Bul isterdi isteý musylman úshin nur ústine nur amal bolyp tabylady.

Qasıetti Oraza aıt merekesine oraı respýblıkalyq «Áziret Sultan» meshiti birqatar sharalar uıymdastyryp, musylmandardyń ulyq meıramyn óz dárejesinde atap ótýdi josparlap otyr. Aıt namazynan soń meshit aýlasynda sporttyq sharalar uıymdastyrylyp, «Qaıyrymdylyq jármeńkesi ótkiziletin bolmaq. Sondaı-aq, Oraza aıtynyń qurmetine oraı Astana qalasyndaǵy muqtaj otbasylarǵa arnalǵan «Aıttyq bizden bolsyn!» qaıyrymdylyq sharasy ótedi.

Kele jatqan Oraza aıttaryńyz oń bolsyn!