«Azattyq – balalar kózimen» kórkem sýret baıqaýy jarııalandy
Ardaqty aǵaıyn!
Qazaqstan musylmandary dinı basqarmasy el táýelsizdiginiń 30 jyldyǵyna oraı «Azattyq – balalar kózimen» atty balalar arasynda kórkem sýret baıqaýyn ótkizedi.
Baıqaýdyń maqsaty:
- Jas órkenniń patrıottyq sezimin oıatý;
- Týǵan jerge degen mahabbatyn arttyrý;
- Balalardyń qabiletin damytyp, talabyn shyńdaý;
- Azattyqtyń, erkindiktiń qasıetin nasıhattaý;
Baıqaý sharttary:
- Baıqaýǵa 7-12 jas aralyǵyndaǵy balalar qatysa alady;
- Baıqaý karantın talaptaryna saı qashyqtan ótedi;
- Bir qatysýshy bir ǵana sýret jibere alady;
- Baıqaýǵa A4 kóleminde salynǵan sýrettiń túpnusqasy nemese JPEG formatynda skanerden ótken sýretter qabyldanady;
- Árbir úmitker salǵan sýrettiń oń jaq buryshyndaǵy tómengi jaǵyna tolyq aty-jónin, mektebi men synybyn jáne qala nemese aýylyn jazý kerek;
- Qatysýshardyń jumystary 2021 jyldyń 23 mamyryna deıin aqparat-qogam@mail.ru Elektrondy meken-jaıyna jiberilip, avtordyń aty-jóni, týǵan jyly, oblysy, aýdany, qalasy, aýyly jáne baılanys telefony kórsetilý qajet;
- Nur-Sultan qalasy, 010000, Qarasaz kóshesi, 3 mekenjaıyna (Qazaqstan musylmandary dinı basqarmasynyń Aqparat jáne qoǵammen baılanys bólimi) sýretterdiń túpnusqasyn jiberý suralady.
- Baıqaý jeńimpazdary 1 maýsym – Halyqaralyq balalardy qorǵaý kúni qarsańynda arnaıy dıplomdarmen jáne baǵaly syılyqtarmen marapattalady;
Baıqaýǵa qoıylatyn talaptar:
- Salynǵan sýret baıqaýdyń taqyrybyna saı bolýy;
- Ózindik erekshelik pen shyǵarmashylyq izdenistiń bolýy.
