«ÁZIRET SULTAN» MEShITI BALALAR ÚIINE KÓMEK KÓRSETTI (FOTO)
«Áziret Sultan» meshitiniń uıymdastyrýymen SOS Astana balalar úıine áleýmettik kómek kórsetildi.
Qaıyrymdylyq is-sharasy aıasynda mekemege qajetti azyq-túlikter tabystaldy. Balalarǵa qýanysh syılaýdy maqsat etken bul ıgi iske «Zeket jáne qaıyrymdylyq» qorynyń Astana qalasy ókildigi boıynsha jaýapty mamany Nurbol Orazhan men meshit eriktileri atsalysty.
Is-shara barysynda mekeme basshylyǵy izgi tilekterin aıtyp, búldirshinderge jasalǵan kómektiń mańyzdylyǵyn atap ótti. «Áziret Sultan» meshitiniń qaıyrymdylyq baǵytyndaǵy ıgi bastamalaryna sáttilik tiledi.
Islam dininde qaıyrymdylyq jasaý – ımandylyqtyń basty kórinisi ári saýapty amaldardyń biri sanalady. Quran Kárimde muqtaj jandarǵa qol ushyn sozý, jetimderge qamqor bolý, jaqsylyqta jarysý musylmannyń izgi qasıeti retinde atap ótiledi. Osyndaı ıgi ister qoǵamdaǵy meıirimdilikti arttyryp qana qoımaı, bereke-birliktiń nyǵaıýyna sebep bolady.
Источник: Aidos
