«ÁZIRET SULTAN» MEShITI JAŃA MEDIA JOBALAR USYNADY (FOTO)
Astana qalasynyń bas ımamy Erbolat Nuryldaulynyń basshylyǵymen «Áziret Sultan» meshitine qarasty Muslim.kz aqparattyq portaly jańa jyldan bastap birqatar medıa jobalardy kórermen nazaryna usynady.
Atap aıtqanda, «Rýhanııat time» podkast jobasy (alǵashqy sany Ramazan aıyna daıyndyq taqyrybyna arnaldy), hadısterge keńinen túsindirme beretin «Hadıs taǵylymy» baǵdarlamasy jáne ár juma saıyn shyǵatyn «Ǵıbrat» habary kórermenge jol tartty. Atalǵan jobalardy «Áziret Sultan» meshitiniń medıa alańdarynan bólek, QMDB-nyń «Munara» telearnasynan da tamashalaýǵa bolady.
Aıta keteıik, jýyrda ǵana «Áziret Sultan» meshitindegi Munara TV stýdııasy qaıta jańartylyp, onyń ashylý saltanatyna Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly arnaıy qatysqan edi.
