«ÁZIRET SULTAN» MEShITI JUMA ÝAǴYZYNYŃ SÝRDOAÝDARMA ÚLGISIN USYNDY (FOTO)

Astana qalasyndaǵy «Áziret Sultan» meshitinde búgin juma ýaǵyzynyń sýrdoaýdarma úlgisi kórsetildi. 

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jamaǵatqa «Otandy súıý - ımannan» taqyrybynda juma ýaǵyzyn aıtyp, kindik qany tamǵan topyraq árbir adam balasy úshin qasterli uǵym ekenin aıtyp ótti.

«Qurmetti jamaǵat! Dinimiz adam balasyna týǵan jeriniń qadir-qasıetin bilip, baǵalap, qasterleýge shaqyrady. Halyq naqylynda da: «Ultaraqtaı bolsa da, ata qonysy jer qymbat. At tóbelindeı bolsa da, týyp ósken el qymbat» degen. Otannyń qadirine jetý, ony baǵalaý, paıda tıgizý, qorǵaý, ol jerde meken etetin halyqqa qurmet kórsetý – barshaǵa mindet is. Alla Otanymyzǵa tynyshtyq násip etsin!»,- dep sózin aıaqtady Bas múftı Naýryzbaı qajy Taǵanuly.

Jamaǵatqa aıtylǵan ǵıbratty ýaǵyzdyń sýrdoaýdarma úlgisi de áıelder jamaǵaty men Ekran arqyly kópshilikke jol tartty. Arnaıy shaqyrylǵan mamandar estý qabiletinen aıyrylǵan jandar úshin aýdarma jasap, olardyń ónegeli úgit-nasıhatpen sýsyndaýyna jaǵdaı jaratty. Igi bastama «Áziret Sultan» meshitinde ár juma jalǵasyn tappaq.

Источник: Aidos