«ÁZIRET SULTAN» MEShITINDE ÁIEL JAMAǴATYNA ARNALǴAN IS-ShARA ÓTTI (FOTO)
Astana qalasy ókildigi Áıel-qyzdar sektorynyń uıymdastyrýymen «Áziret Sultan» meshitinde «Qarttarym – asyl qazynam» atty is-shara ótti.
Jıynǵa Astana qalasynyń Bas ımamy Erbolat Júsipov arnaıy qatysyp, analar qaýymyn merekemen quttyqtady jáne kórkem ýaǵyz-nasıhat jasady. Sondaı-aq ol «Ájeler mektebi» klýbynyń jyldar boıy atqaryp kele jatqan dinge qyzmetine alǵysyn bildirdi.
Rýhanı otyrysta Astana qalasy Áıel-qyzdar sektorynyń jáne «Ájeler mektebi» klýbynyń jetekshisi, «Áziret Sultan» meshitiniń ustazy Kúlsara Mamyrqyzy klýbtyń osy kúnge deıingi is-sharalarynyń esebin aıtyp, dinge janashyrlyq tanytyp júrgen qatysýshylarǵa erekshe alǵysyn jetkizdi. Qatysýshylarǵa gúl shoqtary men syılyqtar tabys etildi.
2019 jyly óz jumysyn bastaǵan «Ájeler mektebi» klýby osy kúnge deıin kóptegen rýhanı-mádenı is-sharalardy uıymdastyryp, ıgi bastamalardyń uıytqysy bolyp keledi.
Otyrys aq dastarhanmen aıaqtalyp, qatysýshylar úshin dámdi fýrshet ázirlendi. Analar meshit ujymyna óz alǵystary men rızashylyqtaryn bildirdi.
Sýretterdi «FOTOGALEREIa» aıdarynan kóre alasyzdar.
