«ÁZIRET SULTAN» MEShITINDE «ÁIELDIŃ ÁLEÝMETTIK JELIDEGI ÁDEBI» TAQYRYBYNDA SEMINAR ÓTTI (FOTO)

01 qazan 2025 880 0 Оqý rejımi

Astana qalasyndaǵy «Áziret Sultan» meshitinde Áıel-qyzdar sektorynyń uıymdastyrýymen «Áıeldiń áleýmettik jelidegi ádebi» atty taǵylymdy semınar ótti.

Is-sharanyń maqsaty – zamanaýı qoǵamda áleýmettik jelini durys paıdalaný, musylman áıeliniń ádebi men mádenıetin qalyptastyrý, sondaı-aq, ınternet keńistiginde oń yqpal etý joldaryn talqylaý boldy.

Semınarǵa arnaıy shaqyrylǵan qonaq – belgili jýrnalıst, telejúrgizýshi, Aqparat salasynyń úzdigi, Halyqaralyq Jýrnalıster Odaǵynyń múshesi, «Habar» Agenttiginiń «Jańalyqtar» júrgizýshisi Saǵynysh Ábikeı. Ol áıel jamaǵatymen óziniń kásibı tájirıbesin bólisip, jelidegi ár jazbanyń qoǵamǵa, otbasyǵa jáne jeke adamǵa áseri týraly oı qozǵady. Sondaı-aq, áleýmettik jelini tek paıdaly baǵytta qoldaný, artyq ýaqytty tekke jumsamaý, ádep pen mádenıetti saqtaý jaıynda keńester berdi.

Jıynnyń ashylýynda Astana qalasynyń Bas ımamy Erbolat Júsipov áıelder qaýymyn ıgi bastamalarǵa belsendi atsalysýǵa shaqyryp, aldaǵy ýaqytta da osyndaı mazmundy is-sharalar jalǵasatynyn jetkizdi. Ol kesh qonaǵyna alǵysyn bildirip, semınardyń qoǵamǵa bereri mol ekenin atap ótti.

Semınar barysynda Astana qalasy Áıel-qyzdar sektorynyń jetekshisi Kúlsara Mamyrqyzy men «Áziret Sultan» meshitiniń ustazy Ásel Dúısebekqyzy da sóz sóılep, áıel jamaǵatyna arnalǵan jańa jobalar men josparlar jaıynda bólisti.

Is-shara sońynda qatysýshylar utymdy aqparattarymen bólisken kesh qonaǵy Saǵynysh Ábikeı men uıymdastyrýshylarǵa rızashylyqtaryn bildirip, mundaı semınarlardyń paıdaly ekenin, ásirese qazirgi jastar úshin asa mańyzdy ekenin atap ótti.

Sýretterdi «FOTOGALEREIa» aıdarynan kóre alasyz!