«Áziret Sultan» meshitinde birinshi naıb ımam taǵaıyndaldy (FOTO)

06 shіlde 2018 2627 0
Оqý rejımi

Búgin Astana qalasyndaǵy respýblıkalyq «Áziret Sultan» meshitinde QMDB tóraǵasy, Bas múftı Serikbaı qajy Orazdyń tóraǵalyǵymen jalpy jınalys bolyp ótti. Bas meshit ujymymen ótkizgen jınalys barysynda Serikbaı qajy Oraz respýblıkalyq «Áziret Sultan» meshitiniń birinshi naıb ımamy qyzmetine Qydyrmın Qanat Qoıanbekulyn taǵaıyndady.

Bas múftı Serikbaı qajy Oraz respýblıkalyq «Áziret Sultan» meshitiniń elimiz ǵana emes, alys-jaqyn shetelderge keńinen tanymal ekenin aıta kelip, aldaǵy ýaqytta da qulshylyq ordasynyń jumysyn odan ári damyta túsýge ujym bolyp atsalysýǵa shaqyrdy. Birinshi naıb ımam qyzmetine taǵaıyndalǵan Qanat Qydyrmınniń dinı saladaǵy uzaq jyldar boıǵy eńbegi men tájirıbesin atap ótip, ózine artylǵan amanat pen jaýapkershilikti abyroımen atqarýyna senimin bildirdi. Jınalys sońynda Bas múftı Serikbaı qajy Oraz Qanat Qydyrmınge birqatar tapsyrmalar berip, naqty mindetter júktedi.

Qydyrmın Qanat Qoıanbekuly 1980 jyly 26-qyrkúıekte Aqmola oblysy, Taıynsha aýdany, Mádenıet aýylynda (burynǵy Kókshetaý oblysy, Keller aýdany) dúnıege kelgen.

1986-1997 jyldary Mádenıet aýylyndaǵy orta mektepti bitirgen.

1997-2001 jyldary Shymkent qalasyndaǵy Halyqaralyq qazaq-arab ýnıversıtetiniń «Dintaný jáne arab tili» fakýltetin támamdaǵan.

2001-2003 jyldary Almaty qalasyndaǵy Abaı atyndaǵy QazUPÝ «Álem tilderi ortalyǵy» fakýltetiniń «Arab tili» mamandyǵy boıynsha magıstratýrasyn úzdik aıaqtaǵan.

2003-2006 jyldary Abaı Myrzahmetov atyndaǵy Kókshetaý ýnıversıtetinde arab tilinen sabaq bergen.

2006-2008 jyldary Kókshetaý qalasyndaǵy «Naýan haziret» Ortalyq meshitinde ustaz, keıinnen naıb ımam qyzmetterin taǵaıyndalǵan.

2008-2017 jyldary QMDB-nyń Aqmola oblysy boıynsha ókil ımamy jáne «Naýan haziret» Ortalyq meshitiniń bas ımamy qyzmetterin atqarǵan.

2017 jyldyń 12-mamyrynan bastap respýblıkalyq «Áziret Sultan» meshitiniń naıb ımamy jáne ustazy qyzmetin atqardy.

2018 jyldyń 6-shildesinen bastap respýblıkalyq «Áziret Sultan» meshitiniń birinshi naıb ımamy qyzmetine taǵaıyndaldy.

Tegter:
Pіkіrler Kіrý