«ÁZIRET SULTAN» MEShITINDE «IMANI TÚLEK-2025» IS-ShARASY ÓTTI (FOTO)

18 mamyr 2025 679 0 Оqý rejımi

Astana qalasyndaǵy «Áziret Sultan» meshitinde «Imanı túlek-2025» is-sharasy ótti. Bir jyl boıy Qurannan dáris alyp kelgen áıel shákirtter tolyqtaı kýrsty aıaqtap, olarǵa estelik sertıfıkattary men Quran Kárim kitaby tabys etildi.

Is-sharaǵa «Áziret Sultan» meshitiniń naıb ımamy Mahmut Qasym, qarı Musabek Erkinbek jáne Astana qalasy Áıel-qyzdar sektorynyń jetekshisi Kúlsara Beket bastaǵan elordalyq áıel ustazdar men shákirtter qaýymy qatysty.

Áýeli «Áziret Sultan» meshitiniń azanshysy Musabek Erkinbek Quran aıattaryn oqyp, ıgi sharanyń shymyldyǵy ashyldy. Ustazdar qaýymy shákirtterdi quttyqtap, aldaǵy bilim saparynda sáttilik tiledi. Artynsha sertıfıkat tabystaý rásimi ótip, meshit ustazdary shákirtterge Quran Kárim kitabyn syıǵa tartty. Sondaı-aq bilim alýda tanytqan yjdahattylyǵy úshin alǵystaryn aıtyp, aq batasyn berdi. Kesh sońynan barlyq shákirtter men ustazdar qaýymy estelikke fotosýretke tústi.

Sýretterdi «FOTOGALEREIa» aıdarynan kóre alasyzdar!