«ÁZIRET SULTAN» MEShITINDE MÁÝLIT AIYNA ARNALǴAN DÁRISTER QORYTYNDYLANDY (FOTO)
«Áziret Sultan» meshitinde Astana qalasynyń Bas ımamy Erbolat Júsipovtiń uıytqy bolýymen Máýlit aıyna oraı uıymdastyrylǵan «Ásh-Shámáıl Muhammadııa» kitabynan bir aıǵa jalǵasqan dárister aıaqtaldy.
Dáristerdi meshittiń naıb ımamy Darhanuly Tamırlan júrgizip, jamaǵatqa Paıǵambarymyzdyń (ﷺ) qasıetteri men sıpattary aıtyldy.
Is-shara sońynda dáriske turaqty qatysqan jamaǵatqa arnaıy sertıfıkattar men syılyq dorbalary taratyldy. Sondaı-aq, kitap negizinde vıktorınalyq suraq-jaýap oıyny uıymdastyrylyp, jeńimpazdar syılyqtarmen marapattaldy.
Adamzattyń ardaqtysy, paıǵambarlardyń sardary Muhammed ﷺ paıǵambarymyzdy súıý ári oǵan ilesý – Allanyń bekitken paryzdarynyń biri ári árbir musylmannyń basty mindetterinen. Alla elshisine amaldary men súnnet joly arqyly ilesý jaıly talaı fıqh pen hadıs kitaptary jazyldy. Al Paıǵambarymyzdyń syrt beınesi, minez-qulqy men ádet-ǵurpy jaıly qalam tartqan eń negizgi eńbekterdiń biri – «Ásh-Shámáıl Mýhammadııa» kitaby.
Sýretterdi «FOTOGALEREIa» aıdarynan kóre alasyzdar!
Источник: Aidos
