«Áziret Sultan» meshitinde muqtajdarǵa azyq-túlik berildi (FOTO+VIDEO)
Qazaqstan musylmandary dinı basqarmasynyń Nur-Sultan qalasy ókildigi Almaty aýdany ákimdigimen birlese otyryp qaıyrymdylyq aktsııasyn ótkizdi. Sondaı-aq, ıgi sharaǵa «Saýap» eriktiler toby atsalysty. Aldyn ala tizimi jasalǵan 30 muqtaj otbasyǵa kúndelikti kúnkóriske qajet azyq-túlik ónimderi taratyldy.
«Áziret Sultan» meshitiniń naıb ımamy Baqytjan Ótkelbaev pen «Saýap» tobynyń múshesi Abzal Sultanbek áleýmettik jaǵdaıy tómen otbasylarǵa sóz qoldaýyn kórsetip, azyq-túlik salynǵan arnaıy sómkelerdi tabys etti. Sondaı-aq, shara basyrynda aq jaýlyqty analar aq batasyn berip, óz rızashylyqtaryn jetkizdi.
«Jyly júrekten» dep ataý alǵan qaıyrymdylyq sharasy aldaǵy ýaqytta turaqty túrde jalǵasyn taýyp otyrady. Osy oraıda eske sala ketsek, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń buıyryǵymen respýblıka boıynsha kún tártibine qoıylǵan jeti baǵyttyń biri osy qaıyrymdylyq sharalary bolyp esepteledi.
Sýretterdi «FOTOGALEREIa» aıdarynan kóre alasyzdar!
