«Áziret Sultan» meshitinde Qadir túninde áýezdi Quran oqyldy

Astana qalasyndaǵy «Áziret Sultan» meshitinde Qadir túnine arnalǵan rýhanı baǵdarlama aıasynda qasıetti túnniń qurmetine jınalǵan jamaǵatqa qarılar áýezdi Quran aıattaryn mánerlep oqyp, Allanyń kálámimen sýsyndatty.

Qarılardyń kórkem qyraǵaty men áýezdi daýysy kópshiliktiń kókeıin yqylasqa bólep, Qadir túniniń qadir-qasıetin sezinýge múmkindik berdi.

Sonymen qatar, jınalǵan qaýymǵa Quran tyńdaýdyń saýaby men qasıetti túnniń artyqshylyqtary jóninde nasıhat aıtylyp, jamaǵat duǵa jasap, izgi tilekter tiledi. Meshitke kelgen turǵyndar túndi qulshylyqpen ótkizip, rýhanı keshten erekshe áser alyp tarqasty.