«Áziret Sultan» meshitinde «Qaıyrymdylyq jármeńkesi» ótti (FOTO)

Búgin respýblıkalyq «Áziret Sultan» meshitinde Astana qalasy ókildigi men Dinı problemalaryn zertteý ortalyǵynyń birlese uıymdastyrýymen «Qaıyrymdylyq jármeńkesi» bolyp ótti. Qasıetti juma kúnine oraı uıymdastyrylǵan qaıyrymdylyq sharasyna Astana qalasy ókildigine «Áziret Sultan», «Nur Astana», «S.Ǵylmanı», «Sheıh Kýnta qajy» meshitterindegi «Inabat», «Jibek», «Analar mektebi» qyzdar klýby jáne Din problemalaryn zertteý ortalyǵynyń «Hanshaıym» tobynyń músheleri belsene atsalysyp, juma namazyna kelgen jamaǵatty óz qoldarymen daıyndaǵan taǵamdarmen qýantty.

Jármeńke sórelerinde áıel jamaǵatynyń ózderi ázirlegen taǵam túrleri ǵana emes, sharıǵat talaptaryna sáıkes jasalǵan túrli kosmetıkalyq ónimder, kıimder, áshekeı zattar men dinı ádebıetter satylyp, bes jyldan beri turaqty túrde ótkizilip kele jatqan «Qaıyrymdylyq jármeńkesiniń» aıasy keńeıe tústi.

Aıta keteıik, jármeńkeden jınalǵan qarjy aldaǵy ýaqytta qaıyrymdylyq sharasyna jumsalatyn bolady. Astana ókildiginiń qarasty meshitterdiń áıel jamaǵaty buǵan deıin jármeńkeden túsken qarajatty «Ana men bala» ortalyǵyndaǵy naýqas sábılerdiń emine jumsaǵan bolatyn.

Sýretterdi «FOTOGALEREIa» aıdarynan kóre alasyzdar!