«ÁZIRET SULTAN» MEShITINDE QMDB-NYŃ TÓL BASYLYMDARY NEGIZINDE JARYS UIYMDASTYRYLDY (FOTO)
Astana qalasynyń Bas ımamy Erbolat Júsipovtiń basshylyǵymen «Áziret Sultan» meshitinde QMDB-nyń tól basylymdary «Iman» jýrnaly men «Munara» gazetiniń negizinde ımamdar arasynda jarys uıymdastyryldy.
Merzimdi shyǵarylymdardyń ártúrli sandarynda jaryq kórgen málimetter negizinde suraqtar túzilip, qatysýshylarǵa usynyldy. Saıyskerler belgilengen ýaqyt ishinde óz jaýaptaryn jazyp, bilimderi men zııatkerlikterin ortaǵa saldy.
Qazylar alqasynda tórelik etken qala bas ımamy Erbolat Núryldauly, «Áziret Sultan» meshitiniń naıb ımamy Jumanazar Sadyrhanuly, «Muftiyat» baspasynyń mamany Álisher Erbolatuly jeńimpazdardy anyqtap, olarǵa aqshalaı syı-sııapattar men alǵys hattardy tabystady.
Aıta ketsek, jarystyń basty maqsaty – ımamdardyń Entsıklopedııalyq bilimin tereńdetý jáne QMDB-nyń tól gazet-jýrnaldaryn júıeli túrde oqýǵa yntalandyrý. Osy rette qala bas ımamy bul ıgi dástúr jalǵasyn tabatynyn jetkizdi.
