«ÁZIRET SULTAN» MEShITINDE QURAN JATTAÝ ORTALYǴYNYŃ QARILARY MARAPATTALDY (FOTO)

«Áziret Sultan» meshitinde Astana qalasyndaǵy «Álı-Imran» qaıyrymdylyq mekemesinde arnaıy Quran dáristerin alyp, Allanyń kitabyn jattap shyqqan shákirtter marapattaldy.

Qasıetti juma kúninde jamaǵat aldynda ótken marapattaý rásiminde Qazaqstan musylmandary dinı basqarmasy Astana qalasynyń ókili, «Áziret Sultan» meshitiniń Bas ımamy Erbolat Júsipov qarılardy quttyqtap, arnaıy aqshalaı syılyq sertıfıkattaryn tartý etti.

Sondaı-aq, atalmysh ortalyqta ustazdyq qyzmet atqaryp, shákirtterge Quran úıretip, Allanyń dinine qyzmet etip júrgen uztazdar qaýymyna da óz alǵysyn bildirip, shákirtteriniń jetistikterimen quttyqtady.

Ókil ımam Quran Kárimdi jattap, qasıetti súreler men aıattardy boıǵa sińirýdiń orasan mańyzyn aıta otyryp, jas qarılarǵa sáttilik tiledi.

Jıyn sońynda aqsaqaldar batasyn berip, elimizde qarılardyń kóbeıe berýin tilep duǵa jasady.