«ÁZIRET SULTAN» MEShITINDE RAMAZANNYŃ ALǴAShQY TARAÝIH NAMAZY ÓTKIZILDI (FOTO)

Elordada ısi musylman qaýymy asyǵa kútken qasıetti Ramazan aıy bastalyp, alǵashqy taraýıh namazy oqyldy.

Berekeli aıdyń alǵashqy keshinde jamaǵat meshitterge aǵylyp, Alla razylyǵyna jeteleıtin qulshylyqtarǵa nıet etti.

Qasıetti aıǵa daıyndyq Astana qalasyna qarasty barlyq meshitterde aldyn ala júrgizilip, uıymdastyrý jumystary júıeli túrde pysyqtalǵan bolatyn. Jamaǵat ta Ramazanmen qaýyshar sátti erekshe yqylaspen qarsy alyp, keshki ýaqyttan bastap qulshylyq ordalaryna jınala bastady.

Elordadaǵy «Áziret Sultan» meshiti quptan namazyna deıin-aq jamaǵatqa tolyp, bir-birine Ramazan aıynyń bastalýymen quttyqtaýlar aıtyldy.

Quptan namazynan keıin Astana qalasynyń bas ımamy, Erbolat Júsipov jınalǵan qaýymǵa Ramazan aıynyń mán-mańyzy, orazanyń rýhanı tárbıesi jóninde nasıhat aıtyp, taraýıh namazyn júrgizetin qarılardy tanystyrdy. Artynsha jamaǵatpen birge alǵashqy taraýıh namazy oqylyp, el amandyǵy men jurt tynyshtyǵy úshin duǵa jasaldy.

Sýretterdi tolyǵyraq «FOTOGALEREIa» aıdarynan kóre alasyz