«ÁZIRET SULTAN» MEShITINDE SAÝAT AShÝ KÝRSYNYŃ EKINShI LEGINE ShÁKIRTTER QABYLDANDY (FOTO)
Qasıetti Shaǵban aıynyń shýaqty kúnderimen birge «Áziret Sultan» meshitinde ıgi bastama óz jalǵasyn tapty. Áıel jamaǵatyna arnalǵan saýat ashý kýrsynyń ekinshi legi ashylyp, oǵan 450-ge jýyq shákirt qabyldandy. Alla Taǵalanyń sózine jol ashýǵa nıet etken jandar qulshylyq úıinde bas qosyp, bilimge degen alǵashqy qadamdaryn jasady.
Keshti Astana qalasynyń Bas ımamy Erbolat Júsipov kórkem nasıhatymen ashyp, ıgi sharaǵa aq batasyn berdi. Odan keıin meshit ustazdary Beket Kúlsara, Ásel Qydyrmına, Abdýmanapqyzy Gúlnur, Nurgúl Álıhanqyzy shákirtterge aqjarma quttyqtaýlaryn jetkizip, izgi tilekterin bildirdi.
Jıyn barysynda meshit ustazdary meshit ádebi, ilimniń artyqshylyǵy jáne Qurannyń ulyq dárejesi jaıynda taǵylymdy nasıhat aıtyp, jańa lekti alǵashqy qadamdarymen quttyqtady. Alla jolyna qadam basqan shákirtterimizge oqý jolynda nyq zeıin, shynaıy yqylas pen sarqylmas tabandylyq tileımiz.
Sýretterdi «FOTOGALEREIa» aıdarynan kóre alasyzdar!
Источник: Aisha
