«Áziret Sultan» meshitinde «Sııar Shárip» dáristeri bastaldy
«Áziret Sultan» meshitinde Paıǵambarymyz Muhammedtiń (oǵan Allanyń salaýaty men sálemi bolsyn) ómir jolyn jan-jaqty tanystyratyn «Sııar Shárip» dáristeri bastaldy.
Atalǵan rýhanı-tanymdyq dárister meshit jamaǵaty men bilimge qushtar jastardyń dinı saýatyn arttyrýǵa, Islam tarıhyn tereńirek túsindirýge jáne Paıǵambarymyzdyń ónegeli ómirinen ǵıbrat alýǵa baǵyttalǵan.
Dáristi meshittiń naıb ımamy, Dinı bilim jáne oqý-aǵartý bóliminiń mamany Mahmud Qasym júrgizip, Sıra iliminiń mańyzy men onyń musylman ómirindegi ornyna keńinen toqtalmaq.
Alǵashqy jıynda ustaz dárister tolyq aıaqtalǵan sátte qatysýshylar arasynda emtıhan alynyp, arnaıy sertıfıkattar tabystalatynyn jetkize ketti.
Dáris barysynda Paıǵambarymyzdyń (oǵan Allanyń salaýaty men sálemi bolsyn) balalyq shaǵynan bastap, paıǵambarlyq mıssııasynyń bastalýy, Mekke jáne Mádına kezeńderindegi tarıhı oqıǵalar, sondaı-aq onyń kórkem minezi men úmbetke qaldyrǵan ónegeli joly júıeli túrde túsindiriledi. Tyńdaýshylarǵa tek tarıhı málimet qana emes, sonymen qatar kúndelikti ómirde qoldanýǵa bolatyn rýhanı sabaqtar da usynylady.
