«Áziret Sultan» meshitinde táýlik boıy jumys isteıtin Call Ortalyq ashyldy (FOTO+VIDEO)

10 qańtar 2019 15603 0
Оqý rejımi

Búgin Astana qalasyndaǵy respýblıkalyq «Áziret Sultan» meshitinde qos birdeı qýanyshty oqıǵa oryn aldy. Ashylý saltanatyna QMDB tóraǵasy, Bas múftı Serikbaı qajy Orazdyń ózi kelip qatysqan Call Ortalyqtyń iske qosylýy – Elorda jurtshylyǵy úshin ǵana emes, elimizdiń barlyq turǵyndary úshin súıinshi jaıt bolǵany sózsiz. Endi elimizdiń kez kelgen turǵyny ózin tolǵandyrǵan dinı máseleler boıynsha 33-30-30 nómirine qońyraý shalyp, tolyqqandy jaýap ala alatyn bolady. Halyq suranysyna oraı, jaýapty mamandar qazaq jáne orys tilderinde suhbat júrgizetin bolmaq.

Astana qalasynyń bas ımamy Naýryzbaı qajy Taǵanulynyń bastamasymen iske qosylyp otyrǵan Call Ortalyqtyń táýlik boıy úzilissiz jumys jasaýy úshin Elorda meshittteriniń 60 dinı qyzmetkeri jumyldyrylǵan. Bilikti mamandardan jasaqtalǵan top arnaıy keste boıy kezekshilikterin atqaryp, táýliktiń kez kelgen ýaqytynda kelip túsken qońyraýǵa jaýap berip otyrady.

Sondaı-aq, búginnen bastap Astana qalasyndaǵy 10 meshitte «Dinı aqparat berý ortalyǵy» da kelýshilerge óz esigin aıqara ashyp otyr. Halyq suranysyn qanaǵattandyrý maqsatynda iske qosylǵan bul joba túrli túıtkildi taqyryptar boıynsha (neke, talaq, nesıe, muragerlik, t.b.) keńes suraǵan jandarmen kózbe-kóz kezdesip, syrt kózderden tys suhbattasýǵa qolaıly bolý úshin qosylyp otyr.

Igi jobanyń aldaǵy ýaqytta halyq arasynda keńinen tanylyp, jemisti eńbek atqara berýine tilektestigin bildirgen Bas múftı qos Ortalyqqa arnaıy bas suǵyp, jumys jaıymen de tanysyp shyqty. Tipti, Call Ortalyqqa qońyraý soǵyp, kezekshi mamannyń ázirligin de pysyqtap ótti.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý