«Áziret Sultan» meshitinde tegin tigin úıirmesi ashyldy (FOTO+VIDEO)

14 mamyr 2019 545 0
Оqý rejımi

Búgin Nur-Sultan qalasyndaǵy respýblıkalyq «Áziret Sultan» meshitinde «Altyn ıne» tigin úıirmesiniń ashylý saltanaty bolyp ótti. QMDB tóraǵasynyń birinshi orynbasary, naıb múftı Naýryzbaı qajy Taǵanulynyń bastamasymen iske qosylǵan tigin úıirmesi «Áziret Sultan» meshitindegi áıel jamaǵatyn sheberlikke baýlyp, tiginshilik ónerdiń qyr-syryna tegin úıretetin bolmaq.

Qasıetti Ramazan aıynda ashylyp otyrǵan tigin úıirmesine qazirdiń ózinde 24 shákirt jazylǵan. Úıirme jetekshisi Rahmetova Saltanattyń aıtýynsha, olar bul jerde kıim tigýdiń alǵashqy erejelerin úırenip, túrli kıim úlgilerin jasap shyǵarýmen aınalysady. Ázirge úıirmedegi tigin mashınalarynyń sanyna oraı, bir aýysymda segiz shákirt tálim alatyn bolady.

«Sheberdiń qoly altyn» dep dana halqymyz aıtpaqshy, ıne-jiptiń «sıqyryn» ıgergen qyz-kelinshekterdiń úıine bereke enip, yrys turaqtaıtyny sózsiz. Asyl dinimiz úlgi etken musylman áıeliniń de bir qasıeti – qolyna qut qonaqtaǵan osy tiginshilik óneri bolsa kerek. Osy sebepti de «Áziret Sultan» meshitindegi áıel jamaǵatyna arnap tigin úıirmesi ashylyp otyrǵanyn tilge tıek etken naıb múftı Naýryzbaı qajy Taǵanuly barsha shákirtterge izgi tilegin jetkizip, jumystarynyń berekeli bolýyn tiledi.

Bas meshittegi ıgi sharaǵa elimizge belgili kıim dızaıneri, «IMANI» musylman áıelderge arnalǵan kıim úlgisiniń avtory Uljan Turabaeva hanym da arnaıy kelip, quttyqtaý lebizin bildirdi. Bir kezderi óziniń de osyndaı úıirmeden sabaq alǵanyn aıtyp ótken belgili dızaıner tól tájirıbesimen bólisip, aqyl-keńesin aıtty. Qýanyshty habardy estigen «Áziret Sultan» meshitiniń áıel jamaǵaty da tigin úıirmesin arnaıy zııarat etip, aq batalarymen nurlandyryp qaıtty.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý