«ÁZIRET SULTAN» MEShITINDE ÝAǴYZ AITÝ MÁDENIETINE ARNALǴAN SEMINAR ÓTTI

Astana qalasyndaǵy «Áziret Sultan» meshitinde Ihsan jáne Jastar isi sektoryna jaýapty mamandarǵa arnalǵan «Ýaǵyz aıtýdyń ádebi men mádenıeti» taqyrybynda semınar ótti.

Semınarǵa Shyǵys Qazaqstan oblysy, Óskemen qalasy «Óskemen ortalyq meshitiniń» naıb ımamy, RANT múshesi Bekzat Azatbekuly Qýsanbaev jáne Astana qalasy boıynsha Jastar isine jaýapty maman, «Áziret Sultan» meshitiniń ustazy Shalqar Joldy spıker retinde qatysyp, din qyzmetkerlerimen tájirıbe bólisti.

Kezdesý barysynda meshit minberinde ýaǵyz aıtýdyń ádebi men mádenıeti, dinı nasıhatty durys ári túsinikti jetkizý máseleleri sóz boldy. Sonymen qatar din qyzmetkeriniń jamaǵatpen qarym-qatynasyndaǵy jaýapkershiligi, ár aýdıtorııaǵa laıyqty til taba bilý jáne dinı máselelerdi baıyppen túsindirýdiń mańyzyna nazar aýdaryldy.

Semınardyń negizgi maqsaty – elorda meshitterindegi jaýapty mamandardyń ýaǵyz aıtý mádenıetin jetildirý, dinı nasıhattyń sapasyn arttyrý jáne jamaǵatqa din qundylyqtaryn saýatty jetkizýge baǵyt berý.

Источник: Aisha