«ÁZIRET SULTAN» MEShITINDE JAMAǴATQA ALǴYS AITYLDY (FOTO)

1 naýryz – Alǵys aıtý kúnine oraı Astana qalasyndaǵy «Áziret Sultan» meshitinde jamaǵatqa arnalǵan rýhanı-tanymdyq is-shara uıymdastyryldy.

Is-sharanyń maqsaty – qoǵamda shúkirshilik mádenıetin qalyptastyrý, rızashylyq pen izgilikti nasıhattaý, sondaı-aq adamdar arasyndaǵy syılastyq pen baýyrmaldyqty arttyrý.

Meshittiń naıb ımamy Mahmud Qasym jınalǵan qaýymdy merekemen quttyqtap, Alǵys aıtý kúniniń mańyzyna toqtaldy. Jamaǵatqa taǵylymdy nasıhat aıtylyp, rızashylyqtyń rýhanı jáne tárbıelik máni keńinen túsindirildi.

Jıyn sońynda barsha jamaǵatpen birge el amandyǵy, jurt tynyshtyǵy men birligi úshin duǵa jasaldy. Sonymen qatar, meshitke kelgen jamaǵatqa shaǵyn syı-sııapattar taratylyp, merekelik kóńil-kúı syılandy.