«ÁZIRET SULTAN» MEShITINDE JAMAǴATQA MÁÝLIT KEShI ÓTTI (FOTO)
Astanadaǵy eńseli «Áziret Sultan» meshitinde Máýlit merekesine oraı jamaǵatqa arnalǵan rýhanı kesh ótti. Is-shara qala bas ımamy Erbolat Júsipovtiń uıytqy bolýymen uıymdastyryldy.
Meshittiń naıb ımamy Darhanuly Tamırlan jınalǵan kópshilikke arnap Paıǵambarymyzdyń (oǵan Allanyń salaýaty men sálemi bolsyn) kórkem minezi men ónegeli ómiri jaıly baıandap, Máýlit aıynyń qadir-qasıeti jóninde ǵıbratqa toly ýaǵyz aıtty. Ol óz sózinde ardaqty Elshiniń súnnetine ilesýdiń mańyzyn túsindirip, jamaǵatty izgi amaldarǵa shaqyrdy.
Kesh barysynda qasıetti Quran aıattary oqylyp, Meıirim paıǵambaryna (ﷺ) salaýattar aıtyldy. Jamaǵat rýhanı shabyt alyp, júrekke áser etetin maǵynaly sátterdiń kýási boldy.
Sonymen birge arnaıy jaıylǵan dastarhannan dám usynylyp, jınalǵandar ózara izgi nıetpen áńgimelesip, mazmundy suhbat qurdy. Shara sońynda qatysýshylarǵa rýhanı taǵylymmen qatar, birlik pen baýyrmaldyqtyń qadiri de aıshyqtaldy.
