«ÁZIRET SULTAN» MEShITINDE JAŃA OQÝ JYLYNYŃ AShYLÝ SALTANATY ÓTTI
Búgin «Áziret Sultan» meshitinde «Bilim – eki dúnıe shamshyraǵy» támsili aıasynda jańa oqý jylynyń ashylý saltanaty ótti.
Rýhanı bilim alýǵa nıet etken áıel jamaǵatynyń shákirtteri bas qosqan jıynǵa Astana qalasynyń bas ımamy Nurbek qajy Áýeshanuly, QMDB Áıel-qyzdar sektorynyń meńgerýshisi Dınara Qutqoja, «Áziret Sultan» meshitiniń naıb ımamy Abdýlahad Smanov jáne Astana qalasy Áıel-qyzdar sektorynyń jetekshisi Kúlsara Mamyrqyzy bastaǵan ustazdar qaýymy qatysty.
Jıyn qasıetti Quran aıattaryn oqýmen bastalyp, qala bas ımamy jańa oqý jylymen quttyqtap, aq batasyn berdi.
«Alla Elshisi (Oǵan Allanyń salaýaty men sálemi bolsyn) múbarak hadısinde «Qurannyń ár árpi úshin 10 saýap jazylady» dedi. Endeshe saýapty amaldaryńyzdy Alla qabyl alsyn. Meshitterimizde tek Quran álippesi emes otbasylyq hrestomatııa, ıslamdaǵy januıa, qazaq dástúrindegi otbasy qundylyǵy, salt-dástúr, joralǵylardyń jónimen jasalýy, ajyrasý men aýdomanııanyń aldyn alý, qarttarǵa qamqorlyq, ata-anaǵa jaqsylyq, adal ári qaýipsiz qoǵam qalyptastyrýdaǵy musylmannyń mindeti syndy taqyryptarda dáris oqylady. Alla Taǵala zeıinderińizdi ashsyn. Qadamdaryńyzǵa mol saýap jazylsyn. Alǵan bilimderińiz eki dúnıe shamshyraǵyna aınalsyn!», – dedi Nurbek qajy Áýeshanuly.
Sondaı-aq QMDB Áıel-qyzdar sektorynyń meńgerýshisi Dınara Qutqoja men Kúlsara Beket shákirtterge izgi tilekterin jetkizip, bilim alýdyń mańyzdylyǵyna toqtaldy.
Berekeli jıyn barysynda naıb ımam Abdýlahad Ábdisattaruly men meshit ustazdary Ásel Qydyrmın, Gúlnur Ábdimanapqyzy jáne Nurgúl Álıhanqyzy ózderin tanystyryp, meshit ádebi jóninde túsindirme júrgizdi.
Aıta keteıik bıyl Astana qalasy boıynsha barlyq meshitterdi qosa eseptegende saýat ashý kýrsyna tirkelgender sany 3 625 áıel shákirtti quraıdy. Onyń ishinde 1 500 shákirt alǵashqy bastaýysh topqa tirkeldi.
Jańa oqý jyly shákirtterdiń dinı bilimin tereńdetip, rýhanı izdenisin arttyrýǵa baǵyttalǵan taǵylymdy sabaqtarmen jalǵasyn tabady.
Sýretterdi «FOTOGALEREIa» aıdarynan kóre alasyz!
