«Áziret Sultan» meshitindegi Áz-Naýryzda búldirshinniń tusaýy kesildi (FOTO)

22 naýryz 2019 1147 0
Оqý rejımi

Ulystyń uly kúni respýblıkalyq «Áziret Sultan» meshitinde ulttyq naqyshta ajarlanyp, qasıetti juma namazyna jınalǵan jamaǵatqa merekelik kóńil-kúı syılady. Meshit aýlasynda tigilgen appaq qardaı qos qazaq úıi anadaıdan boı kórsetip, búgin mereke ekenin aıtpaı-aq sezdirip turǵandaı. Qaz-qatar jaıylǵan «Qaıyrymdylyq jármeńkesiniń» sóreleri de meshit aýlasyndaǵy merekege óz úlesterin qosyp, jamaǵatqa qýanysh syılady.

Juma kúnine dóp túsken ulttyq merekemizde respýblıkalyq «Áziret Sultan» meshitinde taǵy bir ıgi shara jalǵasyn taýyp, Ulystyń uly kúni ulttyq qundylyqtarymyz jańǵyrdy. Jastary jer ortasynan assa da «Áziret Sultan» meshitindegi Dinı saýat kýrsyna jazylyp, shákirt atanyp júrgen aqjaýlyqty apalarymyzdyń  biri bul kúni nemeresiniń tusaýyn kestirip, kópshiliktiń batasyn aldy.

Ulyq merekeniń qurmetine oraı qulshylyq ordasynyń aýlasynda arnaıy tigilgen qos qazaq úıdiń bul kúni qonaǵy úzilmesten, merekelik saltanat keshke deıin jalǵasty. Aq peıilmen jaıylǵan aq dastarhan basynda elimizdiń birlik-berekesin surap, tynyshtyǵy men tutastyǵy tilegen duǵa jasaldy. Meshit aýlasyndaǵy «Qaıyrymdylyq jármeńkesi» men ulttyq oıyndar saıysy da mereke mańyzyn arttyra tústi.

Pіkіrler Kіrý