«ÁZIRET SULTAN» MEShITINDEGI «MUNARA TV» STÝDIIaSY JAŃARTYLDY
Búgin Astana qalasyndaǵy «Áziret Sultan» meshitinde jańarǵan «Munara TV» stýdııasynyń tanystyrylymy ótti. Is-sharaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulymen birge QMDB basshylyq quramy, «Munara TV» telearnasynyń dırektory Bolat Kókenaı, Astana qalasynyń Bas ımamy Erbolat Júsipov, aq jaýlyqty ájeler men meshit aqsaqaldary da qatysyp, stýdııanyń jańa múmkindikterimen tanysty.
Astana qalasynyń Bas ımamy Erbolat Júsipov jańartylǵan stýdııanyń din salasyndaǵy aqparattyq-aǵartýshylyq jobalardy damytýǵa tyń serpin beretinin jetkizdi. Bul alańda onlaın dárister, suhbattar jáne túrli rýhanı baǵyttaǵy baǵdarlamalar turaqty túrde ázirlenetin bolady.
Bas múftı Naýryzbaı qajy Taǵanuly telearna qyzmetkerlerine tabys tilep, stýdııanyń eldiń rýhanı damýyna qyzmet etetin ıgilikti bastama ekenin atap ótti.
Jıyn sońynda Bas múftı men aqsaqaldar jańa stýdııaǵa aq batasyn berip, atqarylatyn isterdiń berekeli bolýyn tiledi.
