«Áziret Sultan» meshitindegi juma ýaǵyzy úsh tilde onlaın taratyldy (FOTO+VIDEO)
Búgin Astana qalasyndaǵy respýblıkalyq «Áziret Sultan» meshitindegi juma ýaǵyzy onlaın translıatsııa arqyly úsh tilde birden taratyldy. Burynyraq habarlaǵanymyzdaı, Qazaqstan musylmandary dinı basqarmasy men Al Saqr Finance Kompanııasy jáne «Ýaqyp» qory birlese júzege asyrǵan joba aıasynda juma ýaǵyzy orys jáne aǵylshyn tilderine sınhrondy túrde birden aýdarylyp otyrdy.
Bas meshit minberine kóterilgen belgili ǵalym Arman Qýanyshbaev aǵamyzdyń ýaǵyzyn bul kúni orystildi jamaǵat ta onlaın translıatsııa arqasynda uǵyna tyńdap, qajetti aqparatqa qol jetkizdi. Aıta keteıik, búgingi juma ýaǵyzy «Búliktiń (fıtnanyń) qoǵamǵa zardaby» taqyrybyna arnalǵan bolatyn.
Eskerte keteıik, aqjoltaı joba aldaǵy ýaqytta turaqty túrde jumys jasaıtyn bolmaq. Ár juma kúni saǵat 13.00 men 13.30 aralyǵynda www.alsaqr.kz saıtyna kirip, respýblıkalyq «Áziret Sultan» meshitindegi juma ýaǵyzyn úsh tilde tyńdaı alasyzdar!
