«Áziret Sultan» meshitine is-basqarýshy taǵaıyndaldy

Elorda tórinde ornalasqan «Áziret Sultan» meshitinde mańyzdy kadrlyq ózgerister júzege asty.

Astana qalasynyń Bas ımamy Erbolat Nuryllauly din qyzmetkerleriniń alqaly jıynynda is-basqarýshy qyzmetine jańadan taǵaıyndalǵan Jandilla Mamythanulyn qyzmetimen quttyqtap, aldaǵy jumysyna tabys, abyroıly qyzmet pen el ıgiligi jolyndaǵy eńbegine sáttilik tiledi. Sonymen qatar, QMDB Tóraǵasy, Bas múftı Naýryzbaı qajy Taǵanulynyń buıryǵyn oqyp, tanystyrdy.

Jıyn barysynda meshit qyzmetiniń júıeli damýy, dinı-aǵartýshylyq jumystardyń sapasyn arttyrý, sondaı-aq qoǵammen baılanys baǵytyndaǵy ózekti máseleler keńinen talqylandy.

Bekjigitov Jandillá Mamythanuly

Bilimi:
2001–2006 jj. Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń Shyǵys fılologııasy fakýltetin «arab jáne aǵylshyn tili men ádebıetiniń oqytýshysy» mamandyǵy boıynsha támamdaǵan;
2009–2011 jj. Almaty qalasyndaǵy «Nur-Múbarak» Egıpet ıslam mádenıeti ýnıversıtetiniń Fılologııa fakýltetin «shetel fılologııasy» mamandyǵy boıynsha magıstr dárejesin alǵan.

Qyzmet joly:
2006 jyldan bastap 13.02.2026 jylǵa deıin «Qazaqstan musylmandary dinı basqarmasy» respýblıkalyq ıslam dinı birlestiginiń Ortalyq apparatynda meshit isteri bóliminiń mamany qyzmetinen bastap, bólim basshysy, Qajylyq bóliminiń basshysy qyzmetterin atqarǵan.

Источник: Aisha