«ÁZIRET SULTAN» MEShITINE NAIB IMAM TAǴAIYNDALDY

Búgin Astana qalasy ókildiginiń «Áziret Sultan» meshitine jańa naıb ımam taǵaıyndaldy.

Namazǵa jınalǵan jamaǵat aldynda Astana qalasynyń bas ımamy Nurbek qajy Áýeshanuly jańadan taǵaıyndalǵan Joldas Berdimuratovty tanystyryp, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń buıryǵyn oqyp berdi.

Jıynda jamaǵat bolyp meshittiń jańa din qyzmetkerine sáttilik tilep, atqarar jumysyna bereke tiledi.

Joldas Berdimuratov
1975 jyly 17 sáýirde dúnıege kelgen

BILIMI:
2003 jyly Mysyr Arab Respýblıkasy, Kaır qalasy, Ál-Ázhar ıslam ýnıversıtetiniń «Islam sharıǵaty» mamandyǵy boıynsha bitirgen.
2016 jyly S. Toraıǵyrov atyndaǵy Pavlodar memlekettik ýnıversıtetiniń «Mádenıettaný» mamandyǵy boıynsha magıstr dárejesin alǵan.
2017 jyldan bastap Almaty qalasy Nur-Múbarak Egıpet ıslam mádenıeti ýnıversıtetinde «Islamtaný» mamandyǵy boıynsha PhD doktoranty.

EŃBEK TÁJIRIBESI:
2004-2009 j.j. Pavlodar oblysy «Máshhúr Júsip» meshitiniń naıb ımamy;
2009-2011 j.j. QMDB-nyń Pavlodar oblysynyń ókili, oblystyq «Máshhúr Júsip» meshitiniń bas ımamy jáne «Ábý Bakr Syddyq» medresesiniń dırektory;
2012-2014 j.j. S.Toraıǵyrov atyndaǵy Pavlodar memlekettik ýnıversıtetindegi «Etnos jáne konfessııaaralyq úderister» atty aımaqtyq ǵylymı-tájirıbelik ortalyǵynda kishi ǵylymı qyzmetker;
2013-2017 j.j. qosalqy túrde Pavlodar oblysy boıynsha Din isteri basqarmasynyń «Konfessııaaralyq taldaý jáne damytý» ortalyǵynda teolog;
2013-2017 j.j. QMDB-nyń fılıaly Pavlodar qalalyq «Aqmeshit» meshitiniń bas ımamy;
2017-2018 j.j. Almaty qalasy «Orbıta-3» meshitiniń naıb ımamy;
2018-2026 jyldary Pavlodar oblysynyń ókil ımamy «Máshhúr Júsip» meshitiniń bas ımamy qyzmetin atqarǵan.

Источник: Aisha