«ÁZIRET SULTAN» MEShITINE JAŃA NAIB IMAM TAǴAIYNDALDY

Búgin Astana qalasy ókildigi «Áziret Sultan» meshitine jańa naıb ımam taǵaıyndaldy.

Namazǵa jıylǵan jamaǵat aldynda Astana qalasynyń Bas ımamy Nurbek qajy Áýeshanuly jańadan taǵaıyndalǵan Aqparov Qondybaı Serikbaıulyn tanystyryp, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń buıryǵyn oqyp berdi.

Bas ımam jańa qyzmetke taǵaıyndalǵan Qondybaı Serikbaıulyna jaýapty jumysyna sáttilik tilep, qyzmetine bereke tiledi.

Aqparov Qondybaı Serikbaıuly
1978 jyly 24 mamyrda Jezqazǵan oblysy, Ulytaý aýdanynda dúnıege kelgen.

Bilimi:
1995-1997 j.j. Almaty qalasyndaǵy Islam ınstıtýtyn bitirgen.Biliktiligin arttyrý maqsatynda 2005 jyly Túrkııa Respýblıkasynda dinı bilim jetildirý kýrsynan ótken. 2008 jyly Mysyr Arab Respýblıkasyndaǵy Ál-Azhar oqý ornynda bilim jetildirý kýrsynda biliktiligin arttyrǵan.

Jumys tájirıbesi:
1997-2000 j.j. Jezqazǵan óńiri, Jezqazǵan qalasy ortalyq meshitinde naıb ımam;
2000-2003 j.j. Almaty qalasy Ortalyq meshitinde naıb ımam;
2003-2011 j.j. Shyǵys Qazaqstan oblysynyń ókil ımamy jáne Óskemen ortalyq meshitiniń bas ımamy;
2011-2013 j.j. Jezqazǵan óńiriniń ókil ımamy jáne «Ahmet ıshan Orazaıuly» meshitiniń bas ımamy;
2014-2023 j.j. Jezqazǵan óńiri, Sátbaev qalasyndaǵy «Balmaǵambet Balqybaıuly» meshitiniń bas ımamy;
2023 jyldan qazirgi ýaqytqa deıin Astana qalasyndaǵy «Sádýaqas qajy Ǵylmanı» meshitiniń naıb ımamy qyzmetin atqaryp keledi.