«Áziret Sultan» meshitiniń bas ımamy 40 otbasyǵa azyq-túlik tabystady

Astana qalasynyń jáne «Áziret Sultan» meshitiniń bas ımamy Nurbek Áýeshanulynyń bastamasymen áleýmettik jaǵdaıy tómen jáne kópbalaly 40 otbasyǵa azyq-túlik sebetteri tabystaldy.

Qala bas ımamy Nurbek Áýeshanuly ıgi iske demeýshilik jasaǵan azamattarǵa, sondaı-aq Alla razylyǵy jolynda qyzmet etip júrgen eriktiler men qaıyrymdy jandarǵa rızashylyǵyn bildirip, olardyń eńbekterine bereke, otbasylaryna amandyq tiledi.

Qaıyrymdylyq sharasynyń joǵary deńgeıde uıymdastyrylýyna Qazaqstan musylmandary dinı basqarmasy janyndaǵy «Zeket jáne qaıyrymdylyq» qorynyń Astana qalasy boıynsha jaýapty mamany Nurbol Orazbaı bastaǵan meshit janashyrlary men eriktiler belsene atsalysty. Olar azyq-túlik qorjyndaryn daıyndaý, jetkizý jáne taratý jumystaryn uıymdastyrdy.