«ÁZIRET SULTAN» MEShITINIŃ «INABAT» KLÝBY QYZDAR ARASYNDA SPORTTYQ JARYS ÓTTI (FOTO)
Astana qalasyndaǵy «Áziret Sultan» meshitiniń janynan qurylǵan «Inabat» qyz-kelinshekter klýby salaýatty ómir saltyn nasıhattaý maqsatynda sporttyq jarys uıymdastyrdy.
Is-shara barysynda klýb músheleri túrli Estafetalyq oıyndarǵa qatysyp, ózara baq synady. Jarys jeńil ári kóńildi atmosferada ótip, qatysýshylardyń belsendiligi men yntasy erekshe baıqaldy.
«Inabat» klýby – meshittiń áıel jamaǵaty arasynda rýhanı, mádenı jáne áleýmettik baǵyttaǵy bastamalardy júzege asyryp kele jatqan belsendi uıymdardyń biri. Klýb músheleri meshittiń kóptegen ıgi is-sharalaryna turaqty túrde qatysyp, uıymdastyrýshylyq qyrynan da kózge túsip júr.
Sonymen qatar, qyz-kelinshekter densaýlyqtyń Allanyń amanaty ekenin túsinip, ár aptada arnaıy bir kúndi sportqa arnaýdy dástúrge aınaldyrǵan. Bul – rýhanı jáne dene saýlyǵyn qatar ustanýdyń tamasha úlgisi.
Is-shara sońynda jeńimpazdar men belsendi qatysýshylarǵa estelik syılyqtar tabystalyp, qatysýshylar uıymdastyrýshylarǵa alǵystaryn bildirdi.
Источник: Aisha
