«ÁZIRET SULTAN» MEShITINIŃ «OTBASY BÓLMESI» QARQYNDY JUMYS ISTEP KELEDI (FOTO)
Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń 2025 jylǵa arnalǵan baǵdarlamalyq baıandamasynda berilgen tapsyrmasyna sáıkes, otbasylyq keńes berý ortalyqtarynyń qyzmetin kúsheıtý jáne otbasylarǵa dinı-rýhanı qoldaý kórsetý baǵytynda Astana qalasy ókildigi júıeli jumystar atqaryp keledi.
Osy tapsyrmany oryndaý maqsatynda 2025 jyldyń 17 aqpanynda «Áziret Sultan» meshitinde arnaıy «Otbasy bólmesi» ashylǵan bolatyn. Ashylǵan kúnnen bastap búginge deıin atalǵan bólme qarqyndy rejımde jumys istep keledi.
Kún saıyn bólmege keminde bir otbasy nemese erli-zaıypty jup kelip, kásibı mamandar men jaýapty ımamdardan keńes alady. Keńester negizinen januıanyń ishki máselelerine qatysty rýhanı baǵyt-baǵdar berý, ózara túsinistikti arttyrý, erli-zaıyptylardyń jaýapkershiligin nyǵaıtý, sonymen qatar, Islam qundylyqtaryna sáıkes otbasylyq tatýlyqty nyǵaıtý máselelerin qamtıdy.
