«Áziret Sultannyń» áıel jamaǵaty arasyndaǵy «Bilim baıqaýy» máresine jetti (FOTO)

11 qańtar 2019 8650 0
Оqý rejımi

Búgin, qasıetti juma namazynan soń respýblıkalyq «Áziret Sultan» meshitiniń áıel shákirtteri arasyndaǵy Bilim baıqaýynyń aqtyq aınalymy bolyp ótti. Bas meshittegi Dinı saýat ashý kýrsynda dáris alatyn 90 shákirt arasynan sýyrylyp úzdik shyqqan 6 úmitker jamaǵat aldynda bilim jarystyrdy.

«Áıelderge arnalǵan ǵylymhal» kitaby negizinde uıymdastyrylǵan «Bilim baıqaýynyń» irikteý kezeńi byltyrǵy jyly test túrinde ótkizilip, joǵary upaı jınaǵan alty úmitker tańdalyp alynǵan bolatyn. Bılet sýyryp, bilimin jamaǵat aldynda dáleldegen qatysýshylardyń arasynan jeńimpaz tańdaý QMDB Áıelder-qyzdar sektorynyń meńgerýshisi Aqbópe Qanatqyzy, «Nur Astana» meshitiniń ustazy Dınara Nurǵaıeva, «Ǵylmanı» meshitiniń ustazy Álııa Aýsaǵatovalarǵa júkteldi.

Qosymsha suraqtar qoıyp, qatysýshylardyń bilimin jan-jaqty teksergen qazylar alqasynyń uıǵarymymen «Blim baıqaýynyń» bas júldesi Kókenova Sarqyt apamyzǵa buıyrdy. Al, Kenjegulova Merýertke II-oryn berilip, Ormanova Bıbisara apamyz júldeli III-orynmen marapattaldy. Bilim baıqaýynyń aqtyq aınalymyna shyǵyp, jarys kórigin qyzdyrǵan qalǵan qatysýshylarǵa «Yntalandyrý syılyǵy» berilip, arnaıy «Alǵys hatpen» marapattaldy.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý