Bala shákirtter «Sádýaqas qajy Ǵylmanı» murajaıyna Ekskýrsııa jasady

«Sádýaqas qajy Ǵylmanı» meshitinde ótip jatqan jazǵy saýat ashý kýrsynyń shákirtteri murajaıǵa Ekskýrsııa jasady.

Qulshylyq ordasynda ornalasqan qazaqtyń kórnekti din qaıratkeri, aǵartýshy, aqyn Sádýaqas qajy Ǵylmanı atyndaǵy arnaıy murajaıǵa kelip, ǵalymnyń qoljazbalary men ómir jolyna qatysty qundy málimettermen tanysty.

Shákirtter qazaq rýhanııatynda óshpes iz qaldyrǵan tulǵanyń eńbekteri týraly tyń aqparat alyp, onyń ǵylymı jáne dinı murasymen jaqynyraq tanysýǵa múmkindik aldy.

Aıta ketsek, Sádýaqas qajy Ǵylmanı – ómirin bilim men aǵartýshylyqqa arnaǵan, ıslam qundylyqtaryn nasıhattap, qazaq rýhanııatynyń damýyna ólsheýsiz úles qosqan tulǵa. Onyń eńbekteri búgingi kúni de óz mańyzyn joǵaltpaı, jas urpaqty ımandylyq pen bilimge úndep keledi.

Источник: Aisha