BAS IMAM «ÁLJAN ANA» MEShITINIŃ JAMAǴATYMEN JÚZDESTI (FOTO)

QMDB Astana qalasy ókildiginiń bas ımamy Erbolat Júsipovtiń ramazan aıyndaǵy qala meshitterin qadaǵalaý sapary «Áljan ana» meshitinde jalǵasty. Besin namazyna jıylǵan jamaǵatpen júzdesken Bas ımam qasıetti Ramazan aıynyń saýap-artyqshylyǵy jaıynda, taraýıh namazy jóninde tushymdy nasıhat aıtty.

Aıta keteıik, áýejaıdan túsken Elorda qonaqtaryn alystan kúmbezi jarqyrap, qonaqjaılyqpen qarsy alatyn «Áljan ana» meshiti 2014 jyly ashylǵan bolatyn. Qashanda túrli sharalar uıymdastyrylyp jatatyn qulshylyq ordasynda bul joly Elorda meshitteriniń shákirtteri arasynda «Quran jarysy» ótkizilip jatyr eken.