Bas ımam elordadaǵy qurylys bitpegen meshitterdi aralady

Qala bas ımamy Nurbek qajy Áýeshanuly elordadaǵy qurylysy bitpegen meshitterdi aralap, qazirgi tynysymen tanysty. Aralaý is-sharasyna Astana qalasy Din isteri basqarmasynyń basshysy Qaırolla Dúıseshuly qatysty.

Baıqońyr jáne Saraıshyq aýdandarynda salynyp jatqan qos meshittiń qazirgi jaı-kúıimen tanysqan soń negizgi máseleler aıtyldy. Bas ımam QMDB jáne ókildik tarapynan qujat máselesinde kómek kórsetý kerek bolsa daıyn ekenin jetkizdi. Odan bólek meshit aýmaǵyn ıgerý, jamaǵattyń kelip-ketýine jaǵdaı jasaý, jylý-sý qubyrlarynyń sapaly bolýy sondaı-aq tazalyq máselesi de osy jıynda aıtyldy.  

Bas ımam atalǵan aýdandarda meshit salý eń aldymen jamaǵattyń usynysy ekenin aıtyp ótti. Óıtkeni dál osy aýdan turǵyndary óz ótinishterinde juma jáne bes ýaqyt namazǵa barý basqa meshitterge alys ekenin jetkizgen.