Bas ımam medrese shákirtterine qaıyrymdylyq kómek tabystady

Astana qalasynyń bas ımamy Nurbek qajy Áýeshanulynyń Astana medrese-kolledjine jasaǵan sapary aıasynda shákirtterge qaıyrymdylyq kómek kórsetildi.

Igi is-sharanyń maqsaty – dinı bilim alyp júrgen shákirtterge qoldaý bildirip, olardyń bilim jolyndaǵy talpynysyna demeý kórsetý. Qaıyrymdylyq aıasynda medrese shákirtterine qajetti kómek túrleri tabystalyp, olarǵa izgi tilekter aıtyldy.

Shara barysynda Nurbek qajy Áýeshanuly qaıyrymdylyqtyń qoǵamdaǵy orny men mańyzyna toqtalyp, jastardy bilimge umtylýǵa, el men dinge qyzmet etýge shaqyrdy.