Bas ımam qarılarǵa qurmet kórsetti (FOTO)
Qasıetti Qadir túninde respýblıkalyq «Áziret Sultan» meshitinde Quran hatym batasy jasalyp, qasıetti Ramazan aıy boıynda taraýıh namazdarynda ımamdyq etken elimizdiń úzdik qarılary ózderine artylǵan saýapty jumysty abyroımen aıaqtaǵan bolatyn. Áýezdi maqamymen jamaǵatty ózderine uıyta bilgen qarılar qasıetti keshte eldiń yqylasyna bólenip, aqsaqaldarymyzdyń aq batasyna ıe boldy.
Alla sózin aına-qatesiz jattap, sansyz saýapqa ıe bolǵan qarılarymyzdy búgin respýblıkalyq «Áziret Sultan» meshitiniń bas ımamy Naýryzbaı qajy Taǵanuly jeke qabyldap, qurmet kórsetti. Meshit basshysy retinde ujym jáne jamaǵat atynan alǵys bildirip, syı-sııapatyn tartý etti. Aǵalyq aq batasyn berip, asyl dinimiz ben elimizge qaltqysyz qyzmet etip, abyroıly bolýlaryna tilegin bildirdi.
Aıta keteıik, bıylǵy jyly elimizdiń Bas meshitinde taraýıh namazdaryna «Áziret Sultan» meshitiniń naıb ımamy Ǵazız Ahmet jáne jas qarılar Murtaza Ertaıuly men Shoqan Ýálıevter ımamdyq etken bolatyn.
«Áziret Sultan» meshitiniń naıb ımamy Ǵazız Ahmet esimi bul kúnde elimizdegi jamaǵatqa keńinen tanys. Din jolyndaǵy alǵashqy qyzmetin 2010 jyly Astana qalasyndaǵy Islam ortalyǵynda ustazdyqtan bastaǵan Ǵazız Ahmet elimizdegi birneshe meshitte bas ımamdyq qyzmet atqaryp, 2015 jyly Taraz qalasynyń bas ımamdyǵyna taǵaıyndalǵan bolatyn. Qazirgi ýaqytta resýpblıkalyq «Áziret Sultan» meshitiniń naıb ımam qyzmetinde.
Bas meshittegi taraýıh namazdaryna ımamdyq etýge bıylǵy jyly alǵash shaqyrylyp otyrǵan Ýálıev Shoqan – «Nur Múbárak» Egıpet Islam mádenıeti ýnıversıtetiniń túlegi. Qazirgi tańda Lıvan respýblıkasynda «Trıpolı» ýnıversıtetinde bilim alyp jatyr. Jas qarı 2016 jyly Túrkııada ótken Halyqaralyq Quran jarysynda elimizdiń namysyn qorǵap, II oryn ıelengen bolatyn.
Al, Balahmet Murtaza Ertaıuly bolsa, Astana qalasyndaǵy Respýblıkalyq Qarılar daıyndaý ortalyǵyn támamdaǵan. Malaızııa jáne Indonezııa elderinde ótken Halyqaralyq Quran jarystaryna qatysyp, elimizdiń abyroıyn qorǵap qaıtqan.
Sýretterdi «FOTOGALEREIa» aıdarynan kóre alasyzdar!
