BAS IMAM «SÚNDET 2023» AKTsIIaSYNA QATYSTY (FOTO)

Elorda turǵyndarynyń ótinishteri men suraýy boıynsha Elordalyq máslıhat músheleri «Súndet» qaıyrymdylyq aktsııasyn uıymdastyrdy. Tegin súndetteý sharasyn №2 kópsalaly qalalyq balalar aýrýhanasynyń kóp jyldyq ótili bar, bilikti hırýrgtary júrgizdi. Kishigirim otadan soń «jigit» bolyp shyqqan búldirshinderdi túrli oıynshyqtar men táttiler qarsy aldy.

Igi sharaǵa Astana qalasynyń Bas ımamy ERbolat Nuryldauly arnaıy qatysyp, súndetke otyrǵan balaqaılar men ata-analaryna jyly lebizin bildirdi. Balaqaılardyń úlken azamat bolyp erjetýin tilep, aq batasyn berdi.

Aıta keteıik, «Súndet» qaıyrymdylyq aktsııasy jyl saıyn ótkizilip keledi. Bıylǵy jyly tegin medıtsınalyq qyzmetti kóp balaly jáne az qamtylǵan otbasylardan shyqqan 50-den astam bala alǵan. Muqtaj otbasylar tizimin aýdandyq ákimdikter usynǵan.