BAS IMAMDAR NUR-MÚBARAK TÚLEKTERIMEN JÚZDESTI (FOTO)

18 sáýіr 2024 544 0
Оqý rejımi

Bıyl Nur-Múbarak ýnıversıtetinen úsh satyly bilim berý baǵdarlamasy boıynsha 479 maman (411 bakalavr, 58 magıstr, 10 doktorant) túlep ushpaq. Osyǵan oraı atalmysh bilim ordasynda jumys berýshi mekeme ókilderi, onyń ishinde Qazaqstan musylmandary dinı basqarmasynyń Astana, Almaty men Shymkent qalalaryndaǵy, oblystardaǵy ókildikteriniń bas ımamdary bolashaq túlektermen arnaıy kezdesti.

Rektor, professor Muhammad ash-Shahhat barlyq qonaqqa rızalyǵyn bildirip, bıylǵy túlekter tıisti mekemelerge qyzmetke barady degen senimin bildirdi. Sondaı-aq prorektor, doktor Qaırat Qurmanbaev bolashaq túlekterge naıshatyn aıtyp, 4 jyl alǵan bilimderin el ıgiligine paıdalanýǵa shaqyrdy.

QMDB Tóraǵasy, Bas múftı Naýryzbaı qajy Taǵanulynyń sálemin jetkizgen Dinı bilim jáne kadr daıarlaý bóliminiń meńgerýshisi Hasan Amanqul el ishinde bilikti din mamandary aýadaı qajet ekenin atap ótti. Nur-Múbarak ýnıversıtetiniń túlekterine suranys artpasa, azaımaıtynyn da atap ótti. Hasan Tashaıulynan soń oblystardan kelgen 18 bas ımam óńirlerge qajet jumys oryndar týraly aıtyp, túlekterdi qyzmetke shaqyrdy. Sondaı-aq QMDB-ǵa qarasty medrese-kolledj dırektorlary da kelip, eńbek jolyn ustazdyqtan bastaýǵa shaqyrdy. Sebebi ýnıversıtette alǵan bilimdi ustazdyqpen boıyna bekitip, qoǵamǵa aralasý jas maman úshin óte utymdy qadam ekenin aıtty.

Ár óńirden kelgen oblystyq din isteri basqarmalarynyń ókilderi de memlekettik dinı qyzmetke bos jumys oryndar týraly usynystaryn jasap, túlekterdi jumysqa shaqyrdy. Sondaı-aq ár oblystan Qylmystyq-atqarý júıesi departementi ókilderi teologııalyq ońaltý jumystaryn túsindirip, din mamandaryna degen qajettiliktiń joǵary ekendigin jetkizdi.

Kezdesý barysynda bolashaq mamandardyń áleýmettik jaǵdaıy, jalaqy máseleleri de ashyq aıtylyp, stýdentter de óz tarapynan suraqtaryn qoıyp, tushymdy jaýap aldy.

Pіkіrler Kіrý