Bas  meshit shákirtteri arasyndaǵy bilim saıysy máresine jetti (FOTO)

Búgin Nur-Sultan qalasyndaǵy respýblıkalyq «Áziret Sultan» meshitiniń áıel shákirtteri arasyndaǵy «Senimińe berik bol!» atty bilim saıysy óz máresine jetti. Ótken jyldyń sońyna taman «Áziret Sultan» meshitiniń áıel shákirtteri arasynda Aqıda sabaǵy boıynsha atalmysh saıystyń irikteý kezeńi ótkizilip, 100 úmitker qatysqan bolatyn.

Test suraqtary túrinde ótkizilgen irikteý kezeńinen joǵary upaı jınaǵan 9 úmitker búgin jamaǵat aldynda óz bilimderin sarapqa salyp, aqtyq saıys ótkizdi. QMDB Áıelder-Qyzdar sektorynyń meńgerýshisi Aqbópe Qanatqyzy jáne Elorda meshitteriniń ustazdary Baqyt Tóleý men Qarlyǵash Qajymálikqyzy bilim saıysyna tórelik etip, úmitkerler arasynan shyn júırikti anyqtaýǵa tyrysty.

Jıylǵan jamaǵattyń ystyq yqylasyn týdyryp, ádilqazylar alqasynyń joǵary baǵalaýyna ıe bolǵan Araılym Baltabıqyzy (I-Oryn), Ótkir Nazerke (II-Oryn) jáne Móldir Túsbaıqyzyna (III-Oryn) júldeli oryndar berilip, qarjylaı syılyqpen marapattaldy. Irikteý kezeńinen sýyrylyp shyǵyp, aqtyq saıysqa qatysqan qalǵan 6 shákirt yntalandyrý syılyǵymen marapattaldy.

Sýretterdi «FOTOGALEREIa» aıdarynan kóre alasyzdar!